Gwybodaeth i blant

Efallai eich bod yn teimlo’n ofidus, yn drist neu’n bryderus am fynd i’r ysgol.

Gall hyn ddigwydd yn y nos cyn mynd i’r ysgol ac yn y bore.

Po fwyaf y byddwch chi’n aros bant o’r ysgol, y mwyaf pryderus y gallwch fynd am fynd i’r ysgol.

Mae’n iawn cael pryderon.

Ond weithiau, gall pryderon deimlo’n rhy fawr. Felly, mae’n bwysig dod o hyd i rywun neu rywbeth a all eich helpu.

Pan na fyddwch yn mynd i’r ysgol, efallai y byddwch yn pryderu am:

• y gwaith rydych wedi’i golli,
• gweld eich ffrindiau a’ch athrawon eto, neu
• beth mae pobl wedi bod yn ei wneud neu ei ddweud.

Beth i’w wneud os ydych chi’n teimlo fel hyn

Mae’n bwysig eich bod yn siarad â rhywun all eich helpu a gwneud i chi deimlo’n hapus yn yr ysgol eto. Gall hyn gynnwys:

• eich rhieni neu ofalwyr,
• aelodau eraill o’r teulu,
• oedolyn yn yr ysgol, neu
• eich ffrindiau.

Gall eich helpu i feddwl am:

• 3 peth rydych chi’n eu hoffi fwyaf am yr ysgol,
• 3 peth rydych chi’n eu drwghoffi fwyaf am yr ysgol, a
• pe bai un peth y gallech ei newid am yr ysgol, beth fyddai hynny?

Os nad ydych am siarad amdano, efallai y gallech dynnu llun o’r hyn sy’n eich poeni.

Pan fyddwch chi’n teimlo’n bryderus neu’n drist, mae pethau y gallwch eu gwneud i wneud i chi deimlo’n well.